السبت، 5 فبراير، 2011

صرخات اوف لاين !!

ربنا لا تؤاخذنا إن نسينا أو أخطأنا، ربنا لا تحمل علينا إصراً كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الكافرين

مصر .. هى امى نيلها هو دمى شمسها فى سمارى شكلها فى ملامحى حتى لونى قمحى لون نيلك يا مصر

الشعب .. يريد اسقاط النظام

اخى المصرى ..لكل منا رأيه ورؤيته المختلفة التى لاتفقدنا صفة الاخوة

شباب التحرير .. انتم حقاً فخراً لمصر وارى نفسى صغيرا جداً امامكم

الرئيس مبارك .. لم ارى رئيسا غيرك ، كفاك وعجل اثابك الله

جمال مبارك .. سيفتقدك المنتخب الوطنى كثيرا

سوزان مبارك .. هذا الجيل هو نتاج مهرجان القراءة للجميع غرقتى جوزك

انصار الاستقرار .. لا تجعلو احداً يعتقد انكم انصار النظام

التليفزيون الرسمى .. ليتك عرضتم الحقيقة او نصفها اوربعها او تحولتم لراديو

الجزيرة .. سياستكم واضحة وبصراحة كنتم مزودنها شويتين لكن لا غنى عنكم

اصحاب الاجندات .. عايز واحدة لـ 2011 وامساكية رمضان 1432

فتحى سرور .. قبول الطعون فى نواب مجلس الشعب يؤكد ان هناك حقوق اهدرت من قبل

زين العابدين بن على .. ضحى بك رجالك وبقوا ، مبارك تعلم فضحى هو برجاله وبقى

احمد شفيق .. اتفهم حرصك على النجاح لكن هل تعتقد انه كان وقتاً مناسبا ام تلبية للواجب

البرادعى .. انتبه !! لماذا لا يتقبلك الكثير رئيسا او حتى مرشحا للرئاسة ؟

السيد البدوى .. لا اعرف عنك سوى امتلاكك لقنوات الحياة وللأمانة انسحابك من الانتخابات السابقة

الاخوان المسلمون .. هل انتم معانا ولا مع الأسف ؟

المنتفعين .. اقزام الاعلام والفن والرياضة انتم لا تدعموا استقرار مصر ولا مبارك ولا النظام انتم تلهثون وراء مصالحكم الشخصية وهذه المحنة اظهرتكم عراه

شيوخ المسلمين .. تشتت أرائكم ومواقفكم فتفرق الجمع ، حفظكم الله

الشرطة .. خذلتمونا وخنتم الامانة أسال الله ان يهديكم

الجيش .. انتم ابناءمصر فى خدمتها كنتم ولازلتم درعاً وسيفاً وسيفاً وسيفاً

المصريين فى الغربة .. ارفع رأسك فانت مصرياً

الحكومة المصرية .. هل ستتركو ميدان التحرير ام سيمتلىء بالمبانى لمحوه

محمد هنيدى .. هل مشهد الالتصاق فى فيلم سور الصين العظيم كان مقصود به الوضع الحالى

ميدان التحرير .. اصبحت رمزاً لكن هل يصلح ان يكون فى حياتنا ميداناً للتحرير للوقوف مع النفس ؟

اقطاب الحزب الوطنى .. وداعـــــــــــاًيا من ملئتم الارض فساداً

اللجان الشعبية .. هى ما كان يحدث سابقاً لكننا طورناها فالانسان فى مصر هو من يدافع عن نفسه

الاثنين، 17 يناير، 2011

الملك الفيصل وفهم القضية ::

روى الدكتور معروف الدواليبي يرحمه الله هذا اللقاء الهام

بين الجنرال شارل ديجول والملك فيصل بن عبد العزيز يرحمه الله

قبيل حرب حزيران.

حيث جلسا مع رئيس وزرائه السيد جورج بومبيدو

وبدأ الاجتماع بين الرجلين فيصل وديجول ومترجم

قال ديجول : يتحدث الناس أنكم ياجلالة الملك تريدون أن تقذفوا بإسرائيل إلى البحر

وإسرائيل هذه أصبحت أمراً واقعاً

ولايقبل أحد في العالم رفع هذا الأمر الواقع ..

أجاب الملك فيصل : يافخامة الرئيس أنا أستغرب كلامك هذا

إن هتلر احتل باريس وأصبح احتلاله أمراً واقعاً

وكل فرنسا استسلمت إلا ( أنت ) انسحبت مع الجيش الانجليزي

وبقيت تعمل لمقاومة الأمر الواقع حتى تغلبت عليه

فلا أنت رضخت للأمر الواقع ، ولا شعبك رضخ

فأنا أستغرب منك الآن أن تطلب مني أن أرضى بالأمر الواقع

والويل يافخامة الرئيس للضعيف إذا احتله القوي

وراح يطالب بالقاعدة الذهبية للجنرال ديجول

أن الاحتلال إذا أصبح واقعاً فقد أصبح مشروعاً ....

دهـش ديجول من سرعة البديهة والخلاصة المركزة بهذا الشكل

فغير لهجته وقال :يا جلالة الملك يقول اليهود إن فلسطين وطنهم الأصلي

وجدهم الأعلى إسرائيل ولد هناك ...

أجاب الملك فيصل : فخامة الرئيس أنا معجب بك لأنك متدين مؤمن بدينك

وأنت بلاشك تقرأ الكتاب المقدس

أما قرأت أن اليهود جاءوا من مصر !!؟ غـزاة فاتحيـن ....

حرقوا المدن وقتلوا الرجال والنساء والأطفال

فكيف تقول أن فلسطين بلدهم ، وهي للكنعانيين العرب ، واليهود مستعمرون

وأنت تريد أن تعيد الاستعمار الذي حققته إسرائيل منذ أربعة آلاف سنة

فلماذا لاتعيد استعمار روما لفرنسا الذي كان قبل ثلاثة آلاف سنة فقط !!؟

أنصلح خريطة العالم لمصلحة اليهود ، ولانصلحها لمصلحة روما !!؟

ونحن العرب أمضينا مئتي سنة في جنوب فرنسا

في حين لم يمكث اليهود في فلسطين سوى سبعين سنة ثم نفوا بعدها .....

قال ديجول : ولكنهم يقولون أن أباهم ولد فيها !!!...

أجاب الفيصل : غريب !!! عندك الآن مئة وخمسون سفارة في باريس

وأكثر السفراء يلد لهم أطفال في باريس

فلو صار هؤلاء الأطفال رؤساء دول وجاءوا يطالبونك بحق الولادة في باريس !!

فمسكينة باريس !! لا أدري لمن ســـتكون !!؟

سكت ديجول ، وضرب الجرس مستدعياً.. بومبيدو

وكان جالساً مع الأمير سلطان ورشاد فرعون في الخارج

وقال ديجول : الآن فهمت القضية الفلسطينية

أوقفوا السـلاح المصدر لإسرائيل ...

وكانت إسرائيل يومها تحارب بأسلحة فرنسية وليست أمريكية ...

يقول الدواليبي :

واستقبلنا الملك فيصل في الظهران عند رجوعه من هذه المقابلة

وفي صباح اليوم التالي ونحن في الظهران استدعى الملك فيصل رئيس شركة التابلاين الأمريكية

وكنت حاضراً ( الكلام للدواليبي ) وقال له : إن أي نقطة بترول تذهب إلى إسرائيل

ستجعلني أقطع البترول عنكم

ولما علم بعد ذلك أن أمريكا أرسلت مساعدة لإسرائيل قطع عنها البترول

وقامت المظاهرات في أمريكا

ووقف الناس مصطفين أمام محطات الوقود

وهتف المتظاهرون : نريد البترول ولا نريد إسرائيل

وهكذا استطاع هذا الرجل ( الملكـ فيصل يرحمه الله ) بنتيجة حديثه مع ديجول

وبموقفه البطولي في قطع النفط أن يقلب الموازين كلها .

يرحمكـ يالله يافيصل

الخميس، 28 أكتوبر، 2010

الجنيه الجبس


الجنيه المعدنى اللى موجود الوقتى بصراحة حاجة تكسف عندى احساس ان هو بريزه موش جنيه وده خلانى افتكر معلومة سمعتها وهى ان الجنيه المصرى كان بيساوى جنيه دهب !!! اه جنيه دهب
ببساطة بدأ الجنيه العملة الرسمية لمصر في 1899م وكان الجنيه المصرى عملة من المعدن الذهبي ولذلك كان الجنيه بقيمته مهما ارتفع السوق أو هبط
جت فكرة حفظ النقود بأن يودع الشخص نقوده الذهبية في البنك ويأخذ بها إيصال وترد القيمة المودعة في البنك لحامل الايصال فأصبح الناس يتداولون بالايصال وإذا أراد حامل الايصال في يوم من الأيام الحصول على أمواله الحقيقية فله الحق في أن يستردها من البنك بموجب هذا الإيصال اللى هو الجنيه
كان وزن الجنيه الذهب ثمانية جرامات وهو الجنيه الذهب المعروف حاليا في سوق الذهب المصري يعنى الجرام كان بـ 12.5 قرش ياسلام عالدنيا
واستخدم هذا المعيار حتى الحرب العالمية الاولى 1914 م حيث تم ربط الجنيه المصري بالجنيه الاسترلينى حيث كان الجنيه الاسترليني = 0.975 جنيها مصرياً
الى عام 1962 م حيث تم ربط الجنيه بالدولار الامريكى عند سعر 2.3 دولاراً لكل جنيه مصري ومن يومها الاية اتقلبت والدولار وصل قيمته 1 دولار لكل 7 جنيه مصرى وده من 4 سنوات تقريباً
اخوانا السعوديين والشاميين بيقولوا عالفلوس "مصارى" وده لان الجنيه والعملات المصرية كانت هى العملة المتداولة وخصوصا بعد الحرب العالمية الاولى فى الشام والحجاز وطبعا السودان
وده عادى جدا لان العملة المصرية هى اول اوراق النقد العربى كطبيعة مصر فى الوقت ده بانها كانت متقدمة فى اى وفى كل شىء ودايما كل ماهو جديد تلاقيه فى القاهرة رابع اجمل مدينة فى العالم فى الوقت ده وطبعا كعادتنا بنبكى على اطلال الماضى انا بصراحة هصرخ واعيط عالماضى
كلمات من زمن فات
الجنيه : كلمة إنجليزية Guinea لعملة إنجلترا منذ أربعمائة عام مضت
القرش : عملة الدولة العثمانية و100 قرش يساوى 1 جنيه
مليم : وهو وحدة قياس عددية باللغة الفرنسية Millieme و10 مليمات يساوى 1 قرش
نِكْلَة : Nickel وتوازي مليمان، وكان يساوي النيكل البريطاني
تعريفة : Tarrif وتوازي خمس مليمات، وهي تسمية انجليزية
شِلِن : Shilling ويوازي خمسة قروش، وكان يساوي الشلن البريطاني
بريزة : توازي عشرة قروش وسمين بذلك كونها صنعت فى باريس
ريال : ويوازي عشرون قرشاً، وكان يساوي تقريباً الريال السعودي طبعا زماااااان
سحتوت : يقال كان عمله رغم ان هو اسم واحد حبيبى ههههه


الاثنين، 7 يونيو، 2010

الفـرح

سلام عليكم .. جالى حالة قرف من الافلام ومكنتش حابب اضيع وقتى فى مشاهدة اى افلام مصرية جديدة موش كوميدى
بالصدفة لقيت فيلم الفرح واتفرجت عليه وكمان عجبنى
من خلال مشاهدتى للفيلم وبغض النظر اساسا من ان صناعة السينما كلها حلال ولا حرام ولا ليها لازمة او ملهاش او ان اللى بيقدمه الناس دول فن او لا انا هركز على نقطة واحدة وهى ضمير المخرج والمؤلف
اللى عايز اقوله ان الفرق هنا بين مخرج ومؤلف محترم ومخرج ومؤلف معندوهمش دم ولاحياء وما اكثرهم
مثلا خالد يوسف اللى بيحسسنى ان مصر خلاص عليه العوض فيها وان خلاص مافيش خير فى الناس وان كل الصفات الحقيرة فى كل مكان وخالق جو هو حابب يتصف به وهو ان يكون مخرج له طابع خاص وشاذ وفكره ده للأسف مبيتغيرش حتى لو المؤلف اتغير يعنى مصر خلاص مافيهاش الا الشخصيات اللى هو بيقدمها مع يقيقنى بان معظم المصريين لسه زى الفل وكمان الشىء اللى بيسموه ايناس الدغيدى ربنا يدغدغها ولا بلاش .. ربنا يهديهم ويهدينا جميعاً

نيجى للفرح هنلاقى الفيلم بيحكى عن حوالى عشر شخصيات تقريبا ومبينكرش ان فيه حاجات موش كويسة بس كمان لسه فيه ناس كويسة وصفات لن تختفى مننا كمصريين زى مثلا فى الفيلم ده هنلاقى :
- ست البيت الكبيرة اللى بتقول حرام يابنى وكده عيب واقفة كحائط صد لكل غلط وبتدعى ليل نهار لولادها الست دى موجودة فى كل بيت وربنا يخليها لمصر
- لسه فيه بنات رجالة اللى يقرب منها تاكله
- لسه فيه بنات بتحب وتحترم امهاتها وبتجرى على اخواتها اليتامى
- كمان فيه العلاقة الحميمة بين الاب والابن واحترام الابن لابوه لو عمل ايه
- فيه رجالة لسه عند كلمتهم وبيحافظو على بنات الناس ومبيخلوش بيهم
- الناس لسه بتخاف من كلام الناس وبيخافوا على سمعتهم وشرفهم
- فيه ناس لما نقولها كده عيب وحرام ممكن يسمعو ويغهمو وربنا يهديهم زى
- اه كنت هنسى ان فيه زوجة الابن وحبها لام زوجها ومعاملتها بالحسنى
.. طبعا كان فيه حاجات عكس كل ده ابسطها الفرح نفسه بس يلا عمار يامصر

الأربعاء، 7 أبريل، 2010

أهـل الكـهـف


من فترة وانا مشغول عشان كده انا بعتذر دا لو فيه حد واخد باله اساسا
عموما .. تحياتى للجميع

احسن تعليق سمعته من فترة طويلة من مهندس سودانى بيقول ان ياريت كان من اصحاب الكهف بس هو ركز فى امنيته دى على انه محتاج ينام كتير وان هو يشوف بعد 300 سنة الوضع هيكون ازاى

- انا معاه فى موضوع النوم ده جدا لان كلامه كان فى فترة كنت فيها مشغول ومضغوط وموش بنام كويس بس موش لدرجة انى محتاج الفترة دى كلها
- امنيته التانية ان هو يشوف الوضع بعد اكتر من 300 سنة هيكون ازاى فكرة بالنسبة ليه مقبولة وفيها نوع من الاثارة واعتقد ان الجميع ممكن يفكر فى كده
- انا احب اضيف واقول ان ربنا قال (إنهم فتية آمنوا بربهم وزدناهم هدى) يعنى ماشاء الله مؤمنين وكمان ربنا بيشيد بيهم وزادهم ايماناً
- وكمان ان هم كانوا صحبة مؤمنة
- حظوا بان سورة كريمة فى القرآن الكريم هى سورة الكهف
- واخيرا ان يكون الله حافظهم وهو خير الحافظين لاكثر من 300 سنة
... ايه رأيكم فى الكلام ده ؟

السبت، 13 فبراير، 2010

الى مجهول


انه الاخلاص والحب
شوف فى قمة نجاحك ممكن تقول ايه للى وقف جنبك عندما تخلى عنك الجميع .. دى الترجمة


لقد كنت دائماً أثق بالأرقام
المعادلات و المنطق..
الذى يفضى إلى سبب
لكن بعد هذا العمر من هذه المطاردات
تسائلت !!
ما هو المنطق بحق ؟
من الذى يحدد السبب ؟
أخذنى سؤالى خلال الظواهر
الفلسفيات
الأوهام
ثم عدت من حيث بدأت
وعملت أكبر إنجاز فى تاريخى المهنى
أهم إكتشاف فى حياتى
أنه فقط فى المعادلات الغامضة فى الحب
حيث لا وجود للأسباب المنطقية
أنا هنا الليلة بسببك أنت وحدك
أنت السبب فيما أكون
أنت جميع أسبابى
شكراً لك

------------------ بعيدا عن الجو الرومانسى ده -------------------
* احنا اسفين يا أهلى .. اذا كان جدو بطلا فلن يكون زملكاويا
* الاهلى استعان بعفروتو .. حتى العفاريت فى خدمة الأهلى

الأربعاء، 3 فبراير، 2010

مـصـر الـتـى


- بقالى فترة مشغول جدا بس كان واجب عليه اقول حاجة عن فوز مصر

اللى حصل ده موش انجاز رياضى بس ده انتصار واثبات ان مصر والمصريين شىء عظيم
اللى زيى كده بره مصر بيشوف الامور بمنظور مختلف يعنى فيه اخوان عرب بيشجعوا مصر واخوان اخرين برده عرب مبيشجعوش مصر وبيكون فيه تحدى
الكورة خلتنى اقول باعلى صوت انا مصرى يارب الاقى كل حاجة فى مصر تخلينى اقول دى مصرية وانا مصرى
شمال يمين احنا المصريين .. فعلا الواحد فخور كونه مصرى
وكمصرى بشكر حسن شحاته ووائل جمعه واحمد فتحى والحضرى والبديل المخلص عبد الواحد السيد وطبعا جدو وباقى اللاعبين بس دول كنت حاسس ا
ن هم مخلين لاقصى درجة
- موش عارف ليه لم يعد لدى الرغبة فى كتابة موضوعات جديدة اعتقد ان اهم سبب انى مقتنع ان مدونات الفيس بوك هتقضى عالمدونات العادية
عموما انا دخلت النهاردة عشان اسلم عالجميع واتواصل مع حبيايبى
- فيه مجموعة افلام مصرية جديدة بجد حاجة تكسف وللاسف الغير مصريين بيفكروا ان دى مصر وده اللى موجود واللى بيحصل بالفعل
يعنى صورة مصر الاخلاقية والحضارية بيمثلها بره افلام خالد يوسف الهابطة ومجموعة ممثلين فاشلين مبيعرفوش يعملوا غير كده
- امبارح والنهاردة وبكرة وكل يوم بشتاق وبحب مصر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأربعاء، 6 يناير، 2010

كلام × كلام ... الجزء الثانى

اللى مالوش خير فى حاتم مالوش خير فى مصر
خالد صالح هى فوضى
طول ما ده تفكيرك عمرك ماهتوصل .. محمد بديع
يعنى ايه كلمة وطن ؟ .. محمد فؤاد
الحلو حلو لو حظه على قده وابن الاصول ينعرف ماهما الزمان هده
على المنشاوى
في المثلث القائم الزاوية يكون مربع طول الوتر مساويا مجموع مربعي طولي ساقيه .. نظرية فيثاغورس
متخافش يابنى هيكسب
جدى رغم ان الزمالك اتغلب والماتش خلص
يابنى وطى عالمذيع ده هو اللى لابخ اللعيبة .. جدى تانى
شعبى يقول عليه ايه ؟ متواطىء معاكم ؟
احمد زكى ايام السادات
البيت ده طول عمره طاهر وهيفضل مطاهر
كوريا عسكر فى المعسكر
انت عرة افريقيا وبولندا .. السيدعبدالرازق
الراجل موش بس بكلمته الراجل برعايته لبيته واسرنه
احمد ماهر اعلانات وزارة الصحة
اعمل ايه فى الوحدة وانت مش هنا ؟ .. انغـام
بسمع اسمك بدمع .. أليـسا
فيه ايه ؟ .. لا مافيش دا حساب رز قديم حته مصرى أصلى
مدرسة صفا ; مدرسة انتباه ; التمرين الاول ابتدى طابور المدرسة
دى بقى شوية جمل معلقة معايا من الافلام
ماشى يابنى ادمين
كبر الجى وروق الدى
الليلة يا عمدة .. اللى يعرف اللى قالها مين يبقى كده
يارتنى عرفتك قبل ما كل ده يحصل
هى كل الناس عايزين يبقوا فتوات ولا ايه ؟ امال مين اللى هيتضرب؟ الدقن
الليله فرح والعريس هيتجوز ومدام العريس هيتجوز تبقي العروسه هتتجوز
عاش البحر الاحمر المتوسط ابن حميدو مراسم تسليم العبارة نورماندى
كلما مـال قـرص الشـمس الـى المغيب بين الاطـلال اذكـريني
تسمحيلى بالرقصة دى؟ طب ما ترقص يا خويا هو فى حد حايشك !!

الاثنين، 28 ديسمبر، 2009

كلام × كلام

..................................................

- دا وانت مطلعة عينى بحبك موت
حسين الجسمى فى حب مصر
- موش باقى منى غير شوية ضى فى عنية انا موش عايزهم لو كنت يوم
هلمحك وانت بتوطى
الشاعر الكبير جمال بخيت
- دى واخده ناصيتين البحرالاحمر والابيض
- كلبة !!!
هانى رمزى "عايز حقى"
- لكنى فى الحلم حتى عمرى ماهحلم لنفسى
إحدى أفكارابو العلا البشرى
- أثبتلك إن الشر بينتصر على الخير أحيانا
شوف عندك ..إسرائيل محتلة فلسطين ـ والأهلي بياخذ الدوري من الزمالك
عمرو أديب
- هو شوشو
مرتضى منصور
- احنا ممكن نفرط فى اى حاجة اى حاجة الا الحرية
- وتموت الصاروخ ليه دا يبقى فيلم زبالة
- الكلاب موش بترقص الكلاب بتعض
اعلانات تهامى باشا ووديع
- القلب يعشق كل جميل
- فكرونى ازاى هو انا نسيتك ؟
ام كلثوم
- اللى بيعمله الاهلى استحالة يكون مجهود 11 لاعب وبس
محمد التميمى فى اشارة الى تحيز الدنيا كلها للأهلى
- على فكرة بقى والنعمة الجواز ده اكبر نعمة
الاستاذ سعد الصغير
- معاك تين ؟
- بتضحك وابوك بيدور عليك
- جايبين سيرتك ورا الجامع
- انت هتفهم اكتر منى ؟
- هب دى دى تى مانشت كروز لاين
موش هقول مين

مشغول بقالى فترة عشان كده الكلام ده عالسريع ولسه له جزء تانى

الاثنين، 7 ديسمبر، 2009

حسام حسن


..لهذه الاسباب انا متاكد من نجاح حسام حسن..

اولا عشان الكليب اللى فوق ده يكفى
ثانيا انا كنت مع تولى حسام حسن تدريب الزمالك وهو لسه بيلعب فى صفوف الزمالك وكانت هتبقى سابقة
ثالثا لان حسام كفء وانا واثق من ده وكمان ابراهيم اضافة فنية لحسام
رابعا اللى بيدافع عن الزمالك هو جمهوره الوفى فقط عكس الاهلى اللى الدنيا كلها .. تيت تيت .. حسام وابراهيم هيكونوا حائط صد لاى ظلم من اللى بيتعرض ليه الزمالك فى السنوات الاخيرة
خامسا حسام هيخلق روح جديدة لان لو نص الفريق بس اتأثر بحسام وحماسه ده يكفى الزمالك للعودة من بعيد
سادسا علاقات حسام هتخلصلنا صفقات كنا بنفشل فيها
سابعا مدرب شاب واحنا محتاجين واحد عنده طموح موش جاى ينهى تاريخة عندنا
ثامنا
حسام من عينة مدربين انا نفسى بفضلهم امثال مورينيو ومارادونا (مغامرين)
تاسعا حسام وابراهيم هيكونو بمثابة طبيب نفسى للاعبين الزمالك
عاشرا حسام هيدرب وابراهيم هيضرب اى حد ييجى عالزمالك

السبت، 7 نوفمبر، 2009

الصعود الى القمة

اقـــترب الحـــــــلم
ياســـلام لو صـعـدنا

الأربعاء، 21 أكتوبر، 2009

انا زعلان

انا خلاص موش زعلان

فيه شوية حاجات مزعلانى واللى يلاقيلها حل يعرفنى
اولا فيه واحد حبيبى مزعلنى شوية ياجماعة ناشدوه ميزعلنيش تانى
هو طبعا انا زعلان من ناس كتير بس تركيزى على حبيبى ده الفترة دى
ثانيا وكمان عشان مزعل واحد حبيبى ولو بيتفرج علينا بقوله حقك عليه
ثالثا الزمالك .. الزمالك مزعلنى قوى قوى وخلاص بصراحة بدأت اتعب
حبى للزمالك تعبنى جدا وانا بتفرج عالماتشات بتعب نفسيا واحيانا جسديا وبتعصب بشكل غير عادى
رابعا بعدى عن اصدقائى وحبايبى مزعلنى جدا جدا جدا وربنا يقرب البعيد
خامسا عايزدبدوب من فترة بعيدعن الجو ده وزعلان"أجمل بشراء الدباديب"
سادسا فيه حاجات موش عارف اقولها او اعبر عنها ودى بقى هى اللى بتتعب
المشكلة انى هحاول احل مشاكلى واخرج من حالة الزعل دى بس يبقى حاجات مزعلانى وموش عارفها
احلها ازاى وانا موش عارفها

الأحد، 11 أكتوبر، 2009

يلا نفرفش شوية


الاقوال المأثورة لرمزى ابن عم دوله نجم راجل وست ستات

انا مين يادولا

اعزمنى على كوكتيل فواكه البحر
الرجوله بتاعتك مابتطرقعش عليك
لا عاش ولا مات اللى يضايقك ياعم
سايب رضعه اله الطفوله على النار
قربى يا تيزا البضاعه على الترابيزه
انا بقى ابويا كان تاجر كبريت اد الدنيا
دى مرات ابوك يعنى فى مقام والدك
بارفان الليل واخره
اللى اتكسر يتجبس
الميه تكدب العطشان

الفار بيلعب فى ودنى
اضرب برفق فانى اتألم
عامل لايت عشان وزنى
ولا من شاف ولا من رأى
الورقه دى الفيصل والهرم
اذا عرف السبب كتر العدد
اضحك الصوره تتطلع كويسه
انا جاى اتفاهم بشكل ودنى
خليها تجبلنا مهندس يطلعنا من السجن ده هوا

عيد اكتوبر بيجى بعد رمضان
انا من هنا ورايح ودنك اليمين

هدخل نفسك فى سيم وجين
الموبيلات دى مظاهرات فاضيه
هى البورصه دى مرات البورص

-شفت بقى ان انا مش انا يادولا
واخد اجازه من الموبيل وقافلو

صباح الفل و الياسمسن والورد والكوكتيل
هتحضر دكتوراه زى ما بتحضر عفاريت مثلا
لو عايز تفهم اسمع مش عايز تفهم اسمع
فى التقنى السلامه وفى العجله الحمامه
التمثال بيلف يلف يلف يلف يلف ويرجع لصاحبه
عندك واحد شاى فى الجون و مايكونش تسلل
الست شهور دو يادولا هايعدوا قبل الاسبوعين
انت اصلا ميت من سنتين بس مخبى على اهلك
تعرف كلمة السر بتاعت مغارة على بابا اصلهم غيروها
الاكل ميه ميه انا حاسس ان هيجيلى تسمم من النضافه
امبارح كان التلات النهارده الخميس الاسبوع جه ناقص يوم
انا واخويا على الغريب وانا وانتو والغريب على ابن عمى دولا
الى امى ام رمزى الحبيبه يعنى الشهامه والجدعنه والرجوله

انا كنت فاكر تهزيأك ليا طول السنين اللى فاتت اهانه اتاريه حب و استكانه
ماتستدرجنيش بمسلوق الكلام علشان اعملك تخفيضات ولا شلم ولا ملين هاينزل
حبك يا حبيبى بوظلى معدتى نغص عليا دنيتى و خلانى امشى وانا بقول يالهوتى يالهوتى
انا ملطوى شخصيتى منسجمه مع ذات نفسيتها انا بنسجم مع الحيوانات ومبحبش البنى ادمين على فكره

يا جماعة الموضوع ده منقول من مجموعة عالفيس بوك

الاثنين، 5 أكتوبر، 2009

عن فتح وحماس .. اتحدث

عيوننا إليك ترحل كل يوم .. فلسطين

كنت فى جلسه مع مجموعة ملهومش فى السياسة بعد نجاح حماس فى الانتخابات الفلسطينية يعنى تقريبا فى فبراير 2006

وبصراحة كانت الفرحة على وجوههم الشابة اللى بتحب التغيير ومساندة لمبدأ المقاومة املا فى حل لهذا الوضع المحزن اللى بيعيشه الاشقاء فى فلسطين المحتلة
انا بقى كان ليه رايى تانى معرفش هل هو صح ولا غلط
رغم نجاح الشعب الفلسطينى فى اقامة انتخابات حرة وقمة فى الديمقراطية لدرجة ان احنا مبنسمعش ان فيه مجموعة بتحكم بلد عربى انهزمت فى انتخابات ده مبيحصلش
انا كنت موش مرتاح لنجاح حماس موش لانى بحب فتح ولا لانى بكره حماس انا كان نظريتى ان يبقى فيه شقين للصراع الفلسطينى الصهيونى لان اسرائيل مسيطرة عالوضع يبقى فيه شق للمفاوضات يتولاه قادة فتح وهم أهل لها لما لحركة فتح من تاريخ كبير فى حركة النضال الفلسطينى بغض النظر عن القلة الجديدة المنحرفة عن المسار واخر للمقاومة يتولاه حماس والجهاد والجبهتين الشعبية والديمقراطية وباقى الفصائل الفلسطينية اللى منتهجة النهج ده
رغم ا ن ده يبقى رفض للديمقراطية اللى رفضها اربابها وهم الامريكان والاوربيين وبالفعل نجحوا فى تحجيم حماس حتى ان العرب ساعدوا فى ذلك لدرجة ان حماس احيانا ملقتش غير حضن ايران وسوريا وحزب الله
ياسلام لو حماس وفتح اتحدوا والله يعملوا حاجة فصيل يقاوم وفصيل يفاوض بس ده شكله صعب ............لان فيه شروخ كبيرة فى علاقتهم بل شروخ داخل الفصيل الواحد............

ده رايى البسيط ولو فيه ملاحظات انا موش خبير سياسى يعنى مافيش مشاكل

السبت، 26 سبتمبر، 2009

الحنين للماضى

موش عارف ليه بقالى فترة برجع كتير بذاكرتى وافتكر اغانى ومنوعات الاطفال
مكنش ليك خيار يالقناة الاولى يا التانية عشان كده كلنا عارفين وفاكرين موش وجع القلب بتاع الايام دى

اغانى اطفال من بتاعة زمان
يالا يالا بينا دى الشموسة طله طله وبتنده علينا
اغنية كوكى واوا كوكى كوى واوا
اغنية القراءة للجميع انا لما بحب اتسلى محبش اقصقص لب
اغنية تقليد الحيوانات
والاغنية الشهيرة طيرى طيرى ياعصفورة
وياولاد ياولاد تعالوا تعالوا علشان نسمع أبلة فضيلة
اغنية الضفادع اللى فاكرهايبقى برافو عليه (We will all stand together)


وبعض الاعلانات كمان
هتجوزوه عندك عبد الرحيم عمرو
كوفرتينا فى الخطوبة تبقى الجوازة مطلوبة
سمنك فى الاكل كتير الحب فى اكلتين سمن النخلتين
واعلان مبيد الحشرا والناموس
وحلاوة عرفه الجامع الواد كان عنده حق
واعلان رابسو مسحوق غسيلنا ميه ميه
الشمعدان زى مابتحبوا بيحبك كمان وكمان
وبستك بستك بستك نو شيكولاته جيرسى واكله الجو

البرامج طبعا
الكابتن ماجد
مازنجر فاكرين فاتن اللى كانت معاه
ماما نجوى وبقلز
بوجى وطم طم
البرلمان الصغير
جولة الكاميرا كنت بحبه قوى
برنامج عن سلطنة عمان كان بييجى فى التانية
امانى واغانى فاكرينه
سر الارض والشعراوى بعد صلاة الجمعة
الفقرة الزراعية فى برنامج صباح الخير يامصر وعايزينها تبقى خضرة

وكتير من المنوعات والبرامج بس موش على بالى حاليا
اللى يفتكر حاجة يبقى يفكرنا
والله كانت ايام جميلة



الخميس، 20 أغسطس، 2009

كل سنة ومصر كلها بخير

كل عام وانتم الى الله اقرب
وان شاء الله ربنا يكرمنا ويهدينا ويوفقنا ويبلغنا
رمضان كريم

الأحد، 26 يوليو، 2009

ياحبيبتى يامصر

عايز تعرف أد ايه بتحب مصر أو أد ايه مصر حلوة جرب تبعد عنها شوية وانت ترجع هتموت فى ترابها وناسها ومعالم الحياة فيها وعلى رأى شادية

يا بــلادي يا أحلى البلاد يا بــلادي

فداكي أنا والولاد يا بــلادي
يا حبيبتي يا مصر ... يا مصر
---------------
ماشافش الأمل في عيون الولاد
وصبايا البلد
ولا شاف العمل سهران في البلاد
والعزم إتولد
ولاشاف النيل فأحضان الشجر
ولاسمع مواويل فليالي القمر
أصله ماعداش على مصر
ياحبيبتي يامصر
---------------
ماشافش الرجال ... السمر الشداد
فوق كل المحن
ولاشاف العناد في عيون الولاد
وتحدي الزمن
ولاشاف إصرار في عيون البشر
بيقول أحرار ولازم ننتصر
أصله ماعداش على مصر
ياحبيبتي يامصر
يا مـــــــــصـــــــــر

السبت، 4 يوليو، 2009

ابراهيم على

إن العين تدمع، والقلب يحزن، ولا نقول إلا ما يرضي ربنا
وإنا لفراقك يا إبراهيم لمحزونون






السبت، 13 يونيو، 2009

A Beautiful Mind

فيلم من افضل ماقدمته السينما الامريكية وهو للرائع راسل كرو والفيلم انتاج 2001 وبيحكى عن قصة بروفيسور رياضيات عبقرى يتعرض لمرض نفسى يجعل الجميع يتخلى عنه عدا زوجته الوفيه لكنه بالاصرار ومساعدة زوجته يقاوم حتى ينجح ويحصل على جائزة نوبل
اللى وقفت عنده فى الفيلم ده بعيد عن الاداء المزهل لنجوم الفيلم والاخراج والقصة اربع حاجات:
واحد ازاى ان الانسان له عقل لازم يستغله ويحاول يبنى نجاحه من خلاله وبالاخص لو يمتلك موهبة
اتنين لو فيه عقبات فى طريقك ازاى تقدر باصرار تتخلص منها وبالذات لو مرض وكمان نفسى
تلاته ده بقى اهم شىء عندى " الحب " الفيلم ده فيه قصة حب ووفاء رهيبة ياسلام لو الواحد ربنا يكرمه بواحدة زى دى يبقى شكرا
اربعه الفيلم حرك كمية مشاعر وحاجات كده موش قادر اشرحها وتحس ان الفيلم موجه اليك بيقولك قوم كفاية نوم حس بقى واعمل حاجه انت عندك كتير ممكن تقدمه يبقى تنام ليه

الخميس، 11 يونيو، 2009

الـــحـب


بحب حبايبى وقرايبى
بحب كل اللى بيحبنى
بحب دينى
بحب بلدى الصغيرة والبلاد المجاورة
بحب وطنى مصر بموت فى ترابها
وطبعا بحب الزمــالك
بحب كل البنات الحلوين والوحشين اللى دمهم خفيف واللى عقولهم جميلة
الحب ده شىء جميل بس السؤال هل انت فعلا بتحب ؟
عمرك حبيت حد اكتر من نفسك ؟
طيب انت بتحبنى ؟
انا بحبك !!

الخميس، 4 يونيو، 2009

النادى الملكى

الزمالك = ريال مدريد
ممدوح عباس = فلورنتينو بيريز
حازم امام = زين الدين زيدان
الاهلى هيتقطع = برشلونة هتتقطع
البيت الابيض
اللون الابيض
العودة القوية
انا بشجع الفريقين
وانا وانت
ورقصنى ياجدع

بقى جى تقولى وداع


سبتنى فى حيره الليالى
سبتنى ومادريت بحالى
يسألك مجروح سؤالى نفسى الاقى ردود
مستحيل انا كنت افكر ان قلبك بيا يغدر
وانك انت بكلمه تقدر تمحى كل وعود
وداع
بقى جاى تقولى وداع
ياحب خانى وباع
ياعمر عشته خداع
وداع
كل الى بينا وداع
ياحلم فاتنى وضاع
ماسبش غير اوجاع
محتمل جايز وممكن
ان يوم الجرح يسكون
بس ارجع لا لا يمكن
يبقى بينا حياة
كل حاجه حلمنا بيها فجاءه ضاعت مش لاقيها
كدبه عشت انا عمرى بيها مش مصدق لااااااا

السبت، 22 نوفمبر، 2008

هو لسه حد بيشجع الزمالك


طبعا الاهلى فى كل حته عمال يجيب اجوان
زى ماراح افريقيا هيروح للمرة التالتة اليابان
واحد اهلاوى هيقولى انت زملكاوى حاقد ومحدش بيقدر عالزملكاوية فى الكلام انا كزملكاوى هزعل واقول دكوا هم هو الاهلى ده بيكسب الا بالحكام وبعدين ده موش الاهلى ده الاسماعيلى هيرد اهلاوى تانى هو الزمالك ده فريق دول لعيبه بارده هو لسه حد بيشجع الزمالك
عايزين نكون احسن من كده الاهلى والزمالك اندية جماهيرية عملاقه واكبر ناديين فى افريقيا والشرق الاوسط وممكن فى العالم
بس لازم ناكد على بعض النقاط الهامة :
1- انا كزملكاوى ايه اللى يخلينى اشجع الاهلى وهو كان بيلاعب القطن
مثلا
الرد بسيط جدا انا ليه حبايب وقرايب اهلاوية وهيزعلوا قوى لو الاهلى اتغلب وهيفرحوا لو كسب يبقى ليه مشجعش الاهلى
2- اللى بيفضلوا يقولوا دول لاعيبه بارده ودول لاعيبه سخنة هى موش كده خالص لان دول هم دول الاعب بيبقى رايح الزمالك فجاه نلاقيه فى الاهلى يعنى مثلا ابراهيم سعيد اسلام الشاطر محمد صديق حسام وابراهيم حسن طارق السعيد اينو ومن قبلهم جمال عبد الحميد ومجدى طلبة وغيرهم دول لعيبه سخنه ولا بارده كلهم زى بعض
3- الاداره نفس الناس متقولش فاشلة او ناجحه لان الفصيلة واحده صدقونى زيد زى عبيد والناس اللى شغالين ادارة محترفه وشغلهم بروفيشنال
طيب ادارة التسويق فى الاهلى اللى بيمجدوها بتجيب لاعيبه بالملايين سوقت مين من لاعبين الاهلى ولعب فى نادى كبير او جاب فلوس زى عمرو زكى اللى من غير ادارة ولا تخطيط جاب ملايين وهيجيب كمان غير مالزملكاوية طالعين بيه السما
4-المهم بقى هو لسه حد بيشجع الزمالك اه طبعا لازم الواحد يشجع فريقة حتى لو بيتغلب كل يوم فيه مشجعين لفرق لم تحصل على بطولات طوال تاريخها افى مصر مثلا اكثر المشجعين تعصبا لفريقهم هم مشجعين النادى المصرى وهو لم يحصل الا على بطولة واحده طوال تاريخه وهى كاس مصر وفى انجلترا مثلا نلاقى جماهير عريضة لفرق تصارع على الهبوط كل سنة
واحد يقولى فرق المقاطعات بس يعنى اللى من منشستريشجع منشسترواللى من ويجان يشجع ويجن واللى من بورسعيد يشجع المصرى
لا يا حبيبى فيه جماهير جماهير كبيره لفريق فولهام اللندنى اللى نفس المدينة ارسنال وتشيلسى وتوتنام وفيه ناس بتشجع اسبانيول اللى فى نفس مدينة برشلونه
موش عارف الناس عايزه ايه يعنى مصر كلها تشجع الاهلى وخلاص ونفضها ولا كل واحد يساند ويشجع فريقه موش كده ولا ايه ......

الجمعة، 14 نوفمبر، 2008

ميس شلش

صوت فلسطينى عذب دافىء وجميل
نشات مع انتفاضة الاقصى 2000 وكان عمرها وقتها 11 عام

اتجهت للانشاد الدينى والدفاع عن وطنها بما تملك .. صوتها
لو اتجهت للغناء فبلا اى مبالغه ستكون من صفوة المطربين
بل اننى اقارنها احيانا بفيروز ونجاة
اثنى علها الكثير وفى مقدمتهم الشيخ القرضاوى
نحن لا نقوم بالتعريف بميس شلش بل نلقى الضوء على هذه الحاله الجميلة ونقارن بينها وبين قرائنها من الفتيات اصحاب الاصوات الجميله التى تتجه فورا للاغانى الهابطه والكليبات العاريه
اذا بحثت عن اسم ميس شلش فى جوجل ستجد ما يبهج القلب
وهذا مقطع فيديو صغير تغنت به لصالح وزارة الصحه السعوديه
ابتـــــــــــــــــــــــــــــاه

الأحد، 9 نوفمبر، 2008

اوباما بن لادن Obama Ben Laden


أمريكى ابيض عنصرى بيقول اوباما ده مسلم وبيمثل وهيودينا فى داهيه هو اساسا اوباما بن لادن
واحد مسلم غلبان يقول اوباما ده مسلم وبيمثل وهو اللى هينجدنا هو اساسا اوباما بن لادن
هههههههههههههههههههههههههههههههه
ايه رايك انت بقى ياعم الحاج
الحقيقة الثابتة ان هو اوباما رئيس امريكا اللى سياستها مبتتغيرش بتغيير رئيسها
اوباما هو صحيح اسود بس دخل البيت الابيض
يعنى فى الفاضى