السبت، 26 سبتمبر 2009

الحنين للماضى

موش عارف ليه بقالى فترة برجع كتير بذاكرتى وافتكر اغانى ومنوعات الاطفال
مكنش ليك خيار يالقناة الاولى يا التانية عشان كده كلنا عارفين وفاكرين موش وجع القلب بتاع الايام دى

اغانى اطفال من بتاعة زمان
يالا يالا بينا دى الشموسة طله طله وبتنده علينا
اغنية كوكى واوا كوكى كوى واوا
اغنية القراءة للجميع انا لما بحب اتسلى محبش اقصقص لب
اغنية تقليد الحيوانات
والاغنية الشهيرة طيرى طيرى ياعصفورة
وياولاد ياولاد تعالوا تعالوا علشان نسمع أبلة فضيلة
اغنية الضفادع اللى فاكرهايبقى برافو عليه (We will all stand together)


وبعض الاعلانات كمان
هتجوزوه عندك عبد الرحيم عمرو
كوفرتينا فى الخطوبة تبقى الجوازة مطلوبة
سمنك فى الاكل كتير الحب فى اكلتين سمن النخلتين
واعلان مبيد الحشرا والناموس
وحلاوة عرفه الجامع الواد كان عنده حق
واعلان رابسو مسحوق غسيلنا ميه ميه
الشمعدان زى مابتحبوا بيحبك كمان وكمان
وبستك بستك بستك نو شيكولاته جيرسى واكله الجو

البرامج طبعا
الكابتن ماجد
مازنجر فاكرين فاتن اللى كانت معاه
ماما نجوى وبقلز
بوجى وطم طم
البرلمان الصغير
جولة الكاميرا كنت بحبه قوى
برنامج عن سلطنة عمان كان بييجى فى التانية
امانى واغانى فاكرينه
سر الارض والشعراوى بعد صلاة الجمعة
الفقرة الزراعية فى برنامج صباح الخير يامصر وعايزينها تبقى خضرة

وكتير من المنوعات والبرامج بس موش على بالى حاليا
اللى يفتكر حاجة يبقى يفكرنا
والله كانت ايام جميلة



هناك 44 تعليقًا:

yasmina يقول...

السلام عليكم
ايه دة انا اول تعليق كدة على التوالى لأ مش قادرة اصدق لحظة كدة

yasmina يقول...

ايون ايون
وايه يعنى هو انا شوية فى البلد
هههههههههههه
اما العب شويه بقى
هيييييييييييييييييييييييييييه
هييييييييييييييييييييييييييييه
هييييييييييييييييييييييييييييه




هههههههههههه
عيلة عيلة يعنى مش هزار

yasmina يقول...

هههههههههه
انا اسفة بجد على الهيصة والازعاج دة
بس انا بجد فرحانة انى كنت اول تعليق فى مدونة حضرتك دى بجد

yasmina يقول...

بس المهم
بالنوسبة للبوست
بجد جمييييل اوى وبالاخص انه بيعبر عن زمان
اللى احنا دايما بنشتاقله وبنتمنى انه يرجع من تانى
بجد جميل اوى

yasmina يقول...

بجد المدونة جميلة اوى
والبوست الجديد كمان
واسفة طبعا على الاحتلال دة
بس بجد انا فرحانة اوى بزيارتى للمدونة دى وخصوصا انى اول تعليق



يعنى اول مرة باول تعليق
ايه دة هو فيه كدة
بجد انا محظوظة

yasmina يقول...

وعلى فكرة عيدية حضرتك محفوظة
ياريت تقبلها
كفايه ان حضرتك نورتنى بجد
سلاااااااااام
ويارب ما اكون ازعجت حضرتك بدا
سلام

غير معرف يقول...

انا جيت ارد الزياره

كل سنه وانت طيب وبخيييييير

والعديه بتعتى انك تشيل تاكيد الكمله دا من التعليقات

حنين

مي يقول...

بحب ابلة فضيلة بس الاعلانات حفظاها كلها بذات شيكولاتة كوفرتينا عالعريس يبقى هيتجوز ويهييييييييييييص
وشيكولاتة جيرسى واكله الجو ونيووووو نييو
ياااه رجعتنى لزمن الشقاوة واللعب والمذاكرة والضرب ههههههههههههههه
تحياتى ياجميل

micheal يقول...

هههههههههههههه..طالما طلعت بتحن لأغاني الطفولة
فخد اللينك اللي أنا عامله ورافع فيه كل الكنوز بتاعة زمان هدية مني
http://www.4shared.com/account/dir/1984643/db9f4465/sharing.html?rnd=2
تحياتي

اللى موش عارف يتغير يقول...

yasmina

لا مافيش ازعاج ولا حاجة ايه يعنى 6 تعليقات هههههههههه
ايه بقى حضرتك وانك محظوظة وفرحانة قوى بزيات مدونتى على اساس ان هى المتحف المصرى
براحة شويه عليه
عموما نورتينى

اللى موش عارف يتغير يقول...

حنـــــــــــــين

اهلا مرحب بيك 1/3 بتحييك
موش فاهم عايز عديتك ايه ؟
ماتخدها فلوس احسن
ياريت توضح

اللى موش عارف يتغير يقول...

كوفرتينا فى خطوبة تبقى الجوازة مطلوبة
كوفرتينا فى الفرح تملى الجو مرح
كوفرتينا عالعريس يبقى هيتجوز ويهيص
كنت ناسى يهيص دى والله

بستك بستك بستك ناو شيكولاتة جيرسى واكله الجو والحشو جوه بجوز الهند
هههههههههههه ايام جميلة والله

انا جميل !! شكرا

اللى موش عارف يتغير يقول...

micheal

تحليلاتك الرياضية جامدة
واغانيك الهابطة واعدة
هههههههههههه
شكرا عالرابط قصدى (الكنز) ده

الشعب لابد له من حكومه تشكمه يقول...

ياااااااااااااه فكرتنى بالذى مضى...
كنت بمووووووووووووت فى الحجات دى

اللى موش عارف يتغير يقول...

الشعب لابد له من حكومه تشكمه

يالا انا ليه من غيركم يعنى ؟
ولسه !!!!!!

reem يقول...

صباح الخير

البوست جميل فكرنى بايام زمان كانت الاختيارات فعلا قليلة بس ليها طعم تانى

ميرسي اوى لزيارتك مدونتى

نورتنى

اللى موش عارف يتغير يقول...

Reem
شكرا على مجاملتك الرقيقة دى والله ايام لاتنسى
وعلى فكرة لسه فيه حاجات كتير مثلا:
(ناموس عمال يقرص ياخوية موش عارف انام منه ياخوية موش عارف انام )
ههههههههههههههههههههههههه

فيه واحد صاحبى اما نكون زعلانين اقوم اقول مغنى مطلع اغنية الضفادع
( بم بم بم بب يه )
نقوم نضحك وخلااااااص
ههههههههه

وكيلة نيابه مع ايقاف التنفيذ يقول...

ههههههه والله بوست هايل رجعتنا عشرين سنه ورا ههههههه
انا كنت بموت فيهم بس انت نسيت اهم حاجه
ذهب الليل وطلع الفجر والعصفور صوصو
وفيه جدو على
وفيه بولا بولا
وكاك كاك سوسو سوسو
هههههههههه وبكار ووحاجات كتير ده انا كنت مستمعه جيده للاغانى دى
ياااااااااااااه والله زمان
نعمل زى ام كلثوم ونقول قول للزمان ارجع يازمان

حلم بيعافر يقول...

انا جييييييييت متاخر
مش مشكلة
ازيك يابنى عامل ايه
البور رينجرز طبعا متتنسيش ولا غتاتة اخويا الكبير لما كان بييجى فى نص الحلقة ويقوم مغير القناة
ههههههههههههه
شيل التاكيد من على التعلقات عشان بكسل اكتب الحروف دى كلها
سلام

اللى موش عارف يتغير يقول...

وكيلة نيابه مع ايقاف التنفيذ

ذهب الليل وطلع الفجر
وفيه جدو على
وفيه بولا بولا
وكاك كاك سوسو سوسو
وبكار

ههههههههههه
فعلا نسيت دول بس كمان فيه حاجات ناسينها
حمدلله على سلامتك

اللى موش عارف يتغير يقول...

حلم بيعافر

ازيك ؟
هو النت عندكم فيه مشاكل ولا ايه
البلد باظت بعدى
هههههههههههه

البور رينجرز فعلا
وفكرتنى بزلاحف النينجا

وهشيل التأكيد انت تأمر

غير معرف يقول...

عروستى
ياجماعة عروستى

قلم رصاص يقول...

ونسيت كعبووووووووووول

ينفع كده يابني

هههههههههههههههه

وبعدين انت قولت : ماسنجر

هو كان اسمه مازنجر يافالح

هههههههههههههههه

بوست جميل وانت لسه زي ما انت مفيش فايدة يعني هههههههه

دمت على خير يابن خالي

حياه بلا عنوان يقول...

السلام عليكم
الله لو كل واحد يرجع بالماضى بجد هيكون مبسوط
تحياتى

أبو العريف يقول...

ههههههههههههههههه

نفس الجيل اللي نفس الحاجات هتفضل معلقه معاه

تفتكر احنا بعد كام سنه هنفتكر حاجه من اللي موجود دلوقت

وحوي يا عمووووو

ولا قوم هات كوكا حالا






انا نسيتهم اصلا من دلوقت

تحياتي

اللى موش عارف يتغير يقول...

غير معروف

عروستى فاكره طبعا
كان بييجى يوم الجمعه قبل الصلاة
والمذيعة فاكرها بس موش فاكر اسمها

اللى موش عارف يتغير يقول...

قلم رصاص

اخيرا رجعت ادعى للسيد ابن خالك السيد

فكرتنى كعبول كان معاه عبقرينو صح ؟
مازنجر موش هنختلف بس فاكر فاتن كانت عره
ههههههههههههههه

حبيب قلبى والله يا اكس بى

اللى موش عارف يتغير يقول...

حياة بلا عنوان

طبعا الرجوع لذكريات الماضى الجميلة
بتخلى الواحد يفتكر احسن ايام حياته

ياسلام

اللى موش عارف يتغير يقول...

ابو العريق

دى ثقافة جيل بأكمله
مكنش قدامنا الا القناة الاولى والتانية
يعنى الغنى والفقير بيشوفوا نفس الشىء

بس والله كان الوضع روعه

قوم هات كولااااا

مسدس صغير يقول...

اتشال اه

اللى موش عارف يتغير يقول...

مسدس صغير

شكرا جزيلا
وربنا يخليك ليه

mimi يقول...

إيهاب ... كلنا بنحن لذكريات الطفولة .. وكووووووووووول الأغنيات دي عندي برجعلها من وقت للتاني

انا المفضل عندي
اوبريتات صفاء ابو السعود كلها للأطفال

رجعتني للذي مضي

تحياتي

mimi يقول...

وعاوز تتغير ليه؟؟؟

من فات قديمه تاه

Tarkieb يقول...

عارف انت فاكر الحاجات دي ليه؟ عشان ماكانش فيه غيرها وكانت الحاجة لازم تشوفها غصب عنك لانهم تلات قنوات....دلوقتي ماعادش حاجة حتعلق خلاص في دماغنا ماهو العدد في الليمون.بس انت فكرتني بالاشتراكية كان عندهم بسكويت بملح اما الحلو فا من غير ملح ...لما راحت لاشتراكية وجت الحلويات نفسهم هفت على ابو ملح...يا راجل احمد ربنا دي كانت ايام زبالة الله لايرجعها...وربنا كنا بنتعذب وفاكرين نفسنا عايشيين....فرفش كدة وولع الدش ....يراجل دا كفاية ماسكة الريموت متعة ...الفيين قناة وقلب يا جميل في الساحة....

اللى موش عارف يتغير يقول...

Mimi

صفاء ابو السعود
سعد نبيها فاكرينه
ههههههههههه

ايام جميلة والله
وعندى فعلا جزء كبير من الاغانى دى

اما موضوع التغيير
فعلا بحاول

اللى موش عارف يتغير يقول...

Tarkieb

اخالفك الرأى
اولا : مرحبا بيك
ثانيا : رغم ان مافيش الا تلات قنوات او انين بس قدروا يكونوا شخصيتنا وملامحنا وثقافتنا المشتركة
تعالى قلى كده القنوات اللى زى الرز دى هتعمل ايه فى صغارنا وايه اللى هياخدوه منهم
هتكون ثقافات مختلفة
رغم انى مؤمن ايضا ان كترة القنوات كويس
يعنى تعدد قنوات الاخبار بتخلى معلوماتك من اكتر من جهة
بس انا بتكلم عن الفترة اللى كانت ومميزاتها موش اكتر
وكلامك ممكن يكون فيه اشياء صحيحة طبعا

دموع القمر يقول...

الله الله الله

احييك بجد على الاغنية دى رجعتنى كدا 10 سنين لورا

كنت احب اسمعها

فى البحر سمكة
وذهب الليل
جدو على
ماما زمانها جاية
بولا بولا
الشاطر عمر
البنات البنات
نونو يانونو يتعيط ليه
يحكى ان
............

سالى
وكعبول
ورمانة
وجريندايزر
المغامرون الخمس
بوجى وطمطم

وياسلام لما كنت استنى توم جرى على صباح الخير يامصر قبل ماانزل المدرسة ويوم الجمعة سينما الاطفال
وعروستى

وربنا هى دى القنوات
مش قنوات اليومين دول اللى زى الرز
ماتعرف تتابع دا ولا دا
وكمان كلها مسخرة

وبتفتح عنين العيال على حاجات
تبقى قاعد تتفرج على الفيلم ولا على اى برنامج تبقى قاعد مكسوف والله

دموع القمر يقول...

منورنا دايما

بس اتنى انك كمان تنورنا فى طيور الجنة بجد

http://teoralgana.blogspot.com/

اللى موش عارف يتغير يقول...

دموع القمر

فكرتنى بحاجات كنت ناسيها
بس اهم حاجة صباح الخير يامصر
الفقرة الزراعية عيد حواش

وعايزينها تبقى خاضرة
الارضاللى فى الصحرة
ههههههههههههه

محمود رياش يقول...

عجبتنى جدا مدونتك
بس ليه مش عارف تتغير

لازم تعدى عليا ضرورى
وتشرفنى
ممكن تتغير

http://mahmoudryash.blogspot.com/

اتمنى تلبى دعوتى
وشكرا مقدما

اللى موش عارف يتغير يقول...

محمود رياش

شكرا ياحبيبى
وهنزورك
هحاول اغير اما تفتح عنيك
هههههههههههه

heba يقول...

السلام عليكم اولا

موضوعك جميل والله فكرتنى ببرامج جميلة فعلا وكانت فيها خير وامان عن دلوقتى كنا اطفال بجد مش اطفال دلوقتى اطفال ومتنكرة هههههههه فى هيئة صغيرين

ثانيا بقى انا اول زيارة ليا عندك وبأذن الله مش هتبقى الاخيرة
طولت عليك معلش

تقبل مرورى

heba

heba يقول...

انا دخلت للمرة التانية انا بقى دخلة المرة دى مش عشانى عشان حد دخل عندى وقالى اعمل حاجة ويارب بقى تتسمع وانت تحاول توصلها لغيرك ونعمل حاجة بأذن الله هو لينك فين مدونتك هتنقد طفلك


.http://rasoulallah1.blogspot.com/2009/09/blog-post_23.html


فياريت توصلة لكل اللى عندك واللى عندك يوصلة اللى عندة كدة يعنى استمر وان شاء الله نعمل حاجة وتكون بفايدة وجزاك وجزانا الله خيراا يارب

تقبل مرورى

heba
heba

اللى موش عارف يتغير يقول...

heba

الدنيا لسه بخير
وجزاك الله كل خير
وكل عام وانت بخير

وهعمل حاجة ان شاء الله