الأربعاء، 7 أبريل، 2010

أهـل الكـهـف


من فترة وانا مشغول عشان كده انا بعتذر دا لو فيه حد واخد باله اساسا
عموما .. تحياتى للجميع

احسن تعليق سمعته من فترة طويلة من مهندس سودانى بيقول ان ياريت كان من اصحاب الكهف بس هو ركز فى امنيته دى على انه محتاج ينام كتير وان هو يشوف بعد 300 سنة الوضع هيكون ازاى

- انا معاه فى موضوع النوم ده جدا لان كلامه كان فى فترة كنت فيها مشغول ومضغوط وموش بنام كويس بس موش لدرجة انى محتاج الفترة دى كلها
- امنيته التانية ان هو يشوف الوضع بعد اكتر من 300 سنة هيكون ازاى فكرة بالنسبة ليه مقبولة وفيها نوع من الاثارة واعتقد ان الجميع ممكن يفكر فى كده
- انا احب اضيف واقول ان ربنا قال (إنهم فتية آمنوا بربهم وزدناهم هدى) يعنى ماشاء الله مؤمنين وكمان ربنا بيشيد بيهم وزادهم ايماناً
- وكمان ان هم كانوا صحبة مؤمنة
- حظوا بان سورة كريمة فى القرآن الكريم هى سورة الكهف
- واخيرا ان يكون الله حافظهم وهو خير الحافظين لاكثر من 300 سنة
... ايه رأيكم فى الكلام ده ؟

هناك 17 تعليقًا:

مرايتى يقول...

أولا حمد الله على السلامه

ثانيا هو بس بصلها من ناحية إحتياجه للنوم وإستشهد بيهم
إنما الحقيقه زى ما حضرتك قلت دول كانوا فتية مؤمنه ودعوا ربنا يحفظهم خوفا من قومهم الكفار يعنى كان تغيب وقتى عن فتن ومخاوف من ملك يأمرهم بالسجود للأصنام
يعن نوع من أنواع الحفظ والعلاج .. أمر ربانى

طبعا حكمة ربنا لا يعلمها إلا هو ويقدر مايشاء وهو القادر على حفظ عباده الصالحين وحفظ دينه

أما بقى إنه يحلم يصحى بعد 300 سنه ويعرف إيه إلى حيجرى ما أنصحوش لانه اكيد مش حيصحى على إلى يفرحه فبلاش أحسن وعن نفسى مش عاوزه أعيش للفتره دى

صمت المشاعر يقول...

تفكير حلو

بس زي ما مرايتي قالت انهم كانوا فتيه ءامنوا بربهم ودعوه يحفظهم خوفا من الكفار

انا بقي العالم هيبقي بعد 300 سنه هيبقي ازاي انا بجد مش قادره حتي اتخيل هيبقي ازاي او هيوصل لفين اذا كان هوا دلوقتي وعامل كدا بعد 300 سنه هيبقي عامل ازاي !!!!!!!!!!!!1


شكرا علي البوست
دمت بخير

قول ياااارب يقول...

اولا حمد الله بالسلامه ونورت التدوين من تانى
اما البوست هو غريب فعلا وتفكير بعيد عننا وعن أفكارنا
هو لو ع النوم يادوب 300 سنه كافيين علشان نحس اننا نمنا فعلا ههههههه
اما العالم بعد 300 سنه فبصراحه دى خطوه بعيييييييده اوى احنا لا نستطيع تخمين العالم هيكون ايه بعد سويعات مش 300 سنه حلوة سويعات دى هههههه
لاء حقيقى العالم فى كل لحظه فيه تغيير ولا نستطيع التنبأ بما سيكون عليه فيما بعد
ممكن ينتهى العالم خالص زى مابنشوف ف الافلام الاجنبيه وبكده يكون نعم التنبأ هههه يبقى عدمه احسن
تحياتى ع البوست الغريب ده

فتاه من الصعيد يقول...

لا انا اتمنى انام 300 سنه بس مااقمش تاني :)

يعني ايه اللي هيتغير غير للاسوء

عموما كل ما نتمناه هو الصحبه الصالحه

تحياتي

مسدس صغير يقول...

هوه ليه حكم ماتش الزمالك والشرطة ملعبش ضربات جزاء؟؟
مش همه اتعادلو فى الوقت الاصلى والاشواط الاضافية؟؟


ازيك يا بيبو يا حبيبى

حلم بيعافر يقول...

خووووود عندك
اللى هيحصل لو حد نام وقام بعد 300سنة نفس الحكاية الاصلية
حكم دقيانوس الوثنى وعياله حينتهى ويزول والناس هتتحرر من العبودية ومهيبقاش فيه عساكر امن مركزى وانا يمكن اخلص الكلية

مي يقول...

حمد الله عالسلامة

وانا معاكم فى حكاية النوم
بس ياخوفى يكون لسة قراقوش قاعد فى الحكم بعد 300 سنة
يالهووووووووى ده الواحد يموت احسن مش يصحى تانى اكرم له



بوست جميل وربنا معاك
تحياتى

حنين يقول...

طبعا واخدين بالنا انك غايب ان شاء الله انشغالك يكون خير وطبعا حمدالله على السلامه

كثير بيكون عندنا رغبه فى النوم لفترات طويله نهرب فيها لعالم تانى مافيش فيه تفكير او تعب او مسؤليه و لكن فكره 300 سنه اظن صعب لان اكيد هيكون العالم مخيف لاننا بننحدر والخوف ان بعد300 سنه نكون وصلنا الي قاع الانحدار يعني ربنا يستر علينا
تحياتى

اللى موش عارف يتغير يقول...

مرايتى

الله يسلمك
هو كلامك صحيح بس ايه المانع ان الواحد يشوف الدنيا عاملة ايه بعد 300 سنة
والله تبقى كويسة

اللى موش عارف يتغير يقول...

صمت المشاعر

اهلا بيك
ههههههههههه
صحيح هيكون ازاى
تقدر تتخيلى او حد يقدر
معتقدش

اللى موش عارف يتغير يقول...

قول يااارب

الله يسلمك
لا انا شايف ان الالام دى وهم
والدليل فشل كل تنبوءاتهم اللى عملوها
حد عقله جابه لموضوع الاتصالات الرهيب ده

اللى موش عارف يتغير يقول...

فتاه من الصعيد

لا الف سلامة عليك
فعلا خير امنية
الصحبة الصالحة

اللى موش عارف يتغير يقول...

مسدس صغير

دى موش صفحة الرياضة
دى صفحة الوفيات

اللى موش عارف يتغير يقول...

حلم بيعافر

هم هيكونوا اساسا لغوا كليتك دى
هههههههههه
ربنا يوفقك
وشد حيلك شوية

اللى موش عارف يتغير يقول...

مى

صلى عالنبى بس يامى
احنا فى اهل الكهف
مالنا ومال الكهف

اللى موش عارف يتغير يقول...

حنين

شكا والله يسلمك
اه ياخوفى بعد 300 ميكونش فيه حاجة خالص
ربنا يستر
كيف حالك ؟

قلم رصاص يقول...

فينك ياعم انت

حاول تفتكرني