الأربعاء، 21 أكتوبر، 2009

انا زعلان

انا خلاص موش زعلان

فيه شوية حاجات مزعلانى واللى يلاقيلها حل يعرفنى
اولا فيه واحد حبيبى مزعلنى شوية ياجماعة ناشدوه ميزعلنيش تانى
هو طبعا انا زعلان من ناس كتير بس تركيزى على حبيبى ده الفترة دى
ثانيا وكمان عشان مزعل واحد حبيبى ولو بيتفرج علينا بقوله حقك عليه
ثالثا الزمالك .. الزمالك مزعلنى قوى قوى وخلاص بصراحة بدأت اتعب
حبى للزمالك تعبنى جدا وانا بتفرج عالماتشات بتعب نفسيا واحيانا جسديا وبتعصب بشكل غير عادى
رابعا بعدى عن اصدقائى وحبايبى مزعلنى جدا جدا جدا وربنا يقرب البعيد
خامسا عايزدبدوب من فترة بعيدعن الجو ده وزعلان"أجمل بشراء الدباديب"
سادسا فيه حاجات موش عارف اقولها او اعبر عنها ودى بقى هى اللى بتتعب
المشكلة انى هحاول احل مشاكلى واخرج من حالة الزعل دى بس يبقى حاجات مزعلانى وموش عارفها
احلها ازاى وانا موش عارفها

هناك 68 تعليقًا:

همســات عــلى ضــوء الــقمر يقول...

اوووووووول

تعليييييييييق

همســات عــلى ضــوء الــقمر يقول...

حلو

اوى الاحتلالات اللى على الصبح دى

همســات عــلى ضــوء الــقمر يقول...

صباح الفن والويد والياشمين

همســات عــلى ضــوء الــقمر يقول...

نروح نقرأ ونرجع

نشوق الجميل زعلان من ايه

شكل الدنيا مضلمة النهاردة مع ناس كتير

الشعب لابد له من حكومه تشكمه يقول...

ياعيييييييييييييييييينى شوف كل حاجه تهون وينفع تتصلح يعنى اللى مزعلك بكره يصالحك واللى انت مزعله بكلمه صغننه هتصالحه لكن الذمالك دا باه اللى ملوش حل ياعييييييييييينى صعبت عليا اوى انت ذملكاوى:) طب متروح تتعالج الحجات دى ليها علاج دلوقتى:)
بيقولك ذملكاوى عنيه احمرت من كتر العياط راح فقعها وقالها انتى كمان عليا:))
تعيشوا وتاخدوا غيرها وصلت للجونه,الجونه يامؤمن .

همســات عــلى ضــوء الــقمر يقول...

اولا صاحبك غالى كدا
يبقى متخليش الزعل يتمادى
يعنى اتخاصمت صالحوا بعض على طول
علشان الشيطان ميدخلش بينكم

مش شرط يكون بيتفرج عليك و شايف كلامك
المهم انه عارف انك بتحبه
ابعتله رسالة كويسة
روح زوروا وهاتلوا حاجة بيحبها
تهادوا تحابوا

طبعا الزمالك الاهلى الاسماعيلى مش فارقة انا مع اللى يكسب

ربنا يقرب البعيد
واكيد هما عازرينك برضو

عايز دندوب ههه
لو لقيت حد يديك دندوب ابقى قولى علشان يجيبلى واحد

ههههههههه
حلووة احلها ازاى وانت مش عارفها دا

اكيد كل واحد جواه كلام مبيعرفش يقولوا
بس اهم حاجة تكون انت من جواك بتواجه نفسك
وتحل عقباتك

ودى حاجات سهلة وبسيطة
امال اللى انا كنت فيه دا يبقى ايه ههه
وزعقت لنفسى وبهدلتها
وبحاول اتغير اهه

هههههههه

تحياتى لك

مسدس صغير يقول...

الزمالك كسب الجونة 3 صفر
كده كويس؟
هههههههه
بيقولو حسبو جون ميدو بتلاته ولغو هدف الجونة عشان مينفعش نجوز الجون للجونة
ده حتى عييييييب
ههههههه
يلا فرفش
انا عارف معظم مشاكلك
اما تيجى ان شاء الله هحلهالك
نشوفلك عروسة ترضى بواحد زملكاوى منين؟؟
ههههههه
وحشتنى

7annen يقول...

انا اقدر اساعدك فى مشكله واحده بس

ثالثا الزمالك .. الزمالك مزعلنى قوى قوى وخلاص بصراحة بدأت اتعب
حبى للزمالك تعبنى جدا وانا بتفرج عالماتشات بتعب نفسيا واحيانا جسديا وبتعصب بشكل غير عادى

ابقى اهلاوى ابو تريكه وكدا يعنى

فى حد يشجع الزمالك دلوقتى ياراجل سيبك منه بلا زمالك بلا بتاع

دا بيجيب الضغط

هههههههههههههههههه

yasmina يقول...

زعلان !!!
بقى يبقى فى حد حواليه الناس الجميلة دى ويبقى زعلان
توء توء توء

هههههههههههههه

انا عارفة ان احنا كتير بتقابلنا مشاكل كتيرة اوى
اهم حاجة نستفاد منها وننساها

yasmina يقول...

هه
المشكلة الاولى
انى بضم صوتى وبقولله مايزعلشى حضرتك تانى ابدا ابدا لا هو ولا اى حد

yasmina يقول...

المشكلة التانية
ان شاء الله يكون هو مش زعلان من حضرتك
ويارب باذن الله
مش يكون بينكوا زعل تانى
خاااااالص

yasmina يقول...

المشكلة التالتة

مممممممممممممممم
ها هو حضرتك زملكاوى
لا لا لا وبتقول شوية حاجات مزعلانى
دة الزمالك دة مش يجيب زعل
لا دة يجيب امراض كمان
ضغط وسكر و.....
بعد الشر يعنى والله ماقصدشى
ههههههههه

طب هقول لحضرتك حاجة
مرة اتنازلت واتفرجت على ماتش بتاعهم
بجد اتحرق دمى على الااااااخر
واحد اعد على اللاعب ومرضاش يقوم !!!
فى اكتر من كدة بقى

لا لا زمالك ايه خلينا فى الاهلى احسن

yasmina يقول...

المشكلة الرابعة
دى بقى بتحصللنا كلنا للاسف
بس والله غصب عن الواحد بجد

وبنحاول على اد مانقدر نكون معاهم ومانبعدشى

دة حى الوقت بيبقى معاهم
والله بالدنيا كلها

yasmina يقول...

المشكلة الخامسة

بصراحة انا فهمت ان حضرتك عايز دبدوب بس
ايه المشكلة بقى مش عارفة

دى الدباديب دى اجمل حاجة فعلا
عشقى الاول والاخير
بس مش قبل الورد طبعا
والايس كريم

ههههههههههههه

سمسمه يقول...

اكيد صاحبك لما حيقرا البوست ده حايسامحك على طوال
أدى واحده
والى مزعله قوله حقك على حسامحك على طول جرب كده
أدى التانيه
أما موضوع الزمالك ده ما اقدرش افيدك فيه ربنا وحده الى يحلها مع انى ماليش فى الكوره
ادى التالته
بعدك بقى عن الاهل والاصحاب ادى حال الدنياانا فهمت من كلامك ان مسافر ربنا يرجعك لاهلك واصحابك بالسلامه وأخويه وابى وكل الى متغربين اللهم امين
وصبرا ربنا يصبر قلبك يارب
أدى الرابعه
أما بالنسبه للدبدوب ممكن حضرتك تنزل تشتريه واحنا نحاسبك عليه لانه صعب قوى نجبهولك
أدى الخامسه
المشكله بقى ما عنديش حل لرقم سته
بس حقولك على دعاء جميل جدا بيشرح الصدر
اللهم انى عبدك ابن عبدك ناصيتى بيدك ماضى فى حكمك عدل فى قضائك اسالك بكل اسم هو لك سميت به نفسك او انزلته فى كتابك او علمته احد من خلقك او استاثرت به فى علم الغيب عندك ان تجعل القران العظيم ربيع قلبى ونور صدرى وزهاب همى وجلاء حزنى
حاول تنسى الى مزعلك انا عارفه انه صعب بس حاولل تشغل نفسك وما تفكرش وتعايش مع الموضوع
ربنا يشرح صدرك اللهم امين

yasmina يقول...

المشكلة السادسة بقى

بيتهيالى حضرتك هتقدر تحللها بس
اهم حاجة خد الموضوع كله بمنتهى البساطة مهما كان

هتلائيها والله مشيت لوحدها بجد

yasmina يقول...

تحياتى دايما لحضرتك

انا عارفة انى طولت خالص خالص
بس
مش بحب حد يكون زعلان ابدا لانها فعلا مافيش حاجة ابدا تستاهل

وكل اللى فيها ببساطة خالص
والتوكل على الله اولا واخيرا

تحياتى
سلام ومعلشى طولت على حضرتك
يارب اكون قدرت اساعد حضرتك
ولو بحاجة صغنونة خالص

مي يقول...

انت فى حد يزعل منك مستحييييييييييييييييل
واكيد مش مزعل حد قاصد كمان معلش تعالى على نفسك وابدا انت صالحه
وياسيدى هجيبلك مليون دبدوب متزعلش
بس انت لما تصالح حبايبك صدقنى حالة الزعل دى هتروح اما بالنسبة انك مش عارف دى يمكن تكون حالة ملل بس حاول تخرج تتفسح او اقرا كتاب جديد كده يعنى اما بالنسبة للزمالك نصيحتى متتفرجش على ماتشات خالص
عشان احنا عايزينك وربنا ان شاء الله يفرحك دايما

قلم رصاص يقول...

مين صاحبك ده اللي مزعلك ياواد

واقعته سوووووووده.. عرفني هو مين بس

عرفني وانا اجيبه عندي البيت واعذبه في الفيفا 2007 هههههههههههههههه

ان شاء الله مشاكلك تتحل كلها

بس بخصوص الزمالك .. امممممم مظنش !

ههههههههههههههه

دمت على خير يابن خالي

صمت المشاعر يقول...

الا الدبدوب من بكره يكون عندك لا دا مش دبدوب دا فيل بحاله

دبدوب يعمل فيك كدا


ربنا يخليلك اصحابك واللي زعلان منك او انت مزعله صافيه وصالحه

وربنا يجعل حياتك كلها سعاده

حلم بيعافر يقول...

يابخته صاحبك ده بتخاف على زعله ومعبره و
قول علينا بقى
المهم
انا بشجع الترجى التونسى بس برضه بيتغلب
والله لولا حبى لليوفينتوس ياعم لكنت مشجعه بس انا خايف عليه ودل بييرو فى اواخره ومينفعش اشجعه عشان يتغلب

حلم بيعافر يقول...

يابخته صاحبك ده بتخاف على زعله ومعبره و
قول علينا بقى
المهم
انا بشجع الترجى التونسى بس برضه بيتغلب
والله لولا حبى لليوفينتوس ياعم لكنت مشجعه بس انا خايف عليه ودل بييرو فى اواخره ومينفعش اشجعه عشان يتغلب

حلم بيعافر يقول...

بعلق مرتين بقى عشان معنديش نت من زمان لازم اخد حقى

الشعب لابد له من حكومه تشكمه يقول...

انا بس همووووووووووت وااقول صلااااااح كومنتك تحفه ههههههههههههههههه ياعينى اهو زعلك كده زاد لازم تقول انك زملكاوى حتى اصحابك كلهم داخلين يتريقوا:))
معلش كعلش بكره ان شاء الله تتغلبوا واحد صفر بس من مركز شباب بنى عبيد:))

سندريلا يقول...

السلام عليكم/ ايه كل الزعل ده

ربنا يفرج همك وكربك وكل المسلمين اجمعين

تحياتى لك/سندريلا

مدحت محمد يقول...

زعلتنى الصراحة

ليس فقيرا من يحب يقول...

ربنا يريح بالك وييسر كل امورك

7annen يقول...

ربنا يخليهولك

بس الحب بجنون موش كويس

ركزى عشان تتكتب نهاية سعيدة

ولازم العقل يكون له راى

********************************

ممكن اعرف ايه التعليق دا دى تانى مره تعلق عندى تعليق بالشكل دا

ايه ربنا يخلهولك دى يخليلى مين

وبعدين ايه ركزى دى شايفنى بكتب وانا نايمه


لو البوست مش عاجبك ممكن تقول رايك بس بذوق شويه عن كدا

يا ممكن متعلقش خالص انا مش بجبرك على التعليق

والف شكر لذوق حضرتك معايا

وكيلة نيابه يقول...

ده ايه البوست اللى كله زعل ده اهو كده كل المدونين دخلوا زعلوا شويه وخرجوا يلا اهو تغيير برده عموما طالما عرقتك بربنا كويسه يبقى زعل البشر يهون
اما موضوع الزمالك فمااننى زملكاويه اقدر اقولك انا مش متفائله ههههههه لا بجد انا شايفه ان الحظ مش دايما بيكون حليف حد يعنى فى يوم كان نادى الزمالك نادى الملوك صدقنى مع الزمن هيرجع تانى بس عاوزين شويه صبر ياجمااااااعه انا الاهلويه فطبعا علشان لونهم الاحمر فلا تعليق هههه
وربنا مايجيب زعل بين حد

micheal يقول...

مبدئيا أقدر أقولك بخصوص الزمالك دي كورة..حتقهر نفسك ليه
إذا كان اللاعيبة بايعين القضية يبقى حنأخد من وراهم إيه
طلع كل اللي في قلبك حتى لو جبت ورقة فاضية وقعدت تشخبط فيها
صدقني حتعمل شوية فرق
طمنا عليك دايما
تحياتي

اللى موش عارف يتغير يقول...

همســات عــلى ضــوء الــقمر
هلا والله هلا
بصراحة التعليقات دى كفيلة ان هى تخرجنى من الحالة دى
وهاخد بنصايحك
اما لو لقت حد يجيب ليه دبدوب موش هقولك طبعا
ههههههههههه

اللى موش عارف يتغير يقول...

همســات عــلى ضــوء الــقمر

اتقدم بالشكر مرة اخى
تقديرا لنصايحك الغالية

اللى موش عارف يتغير يقول...

الشعب لابد له من حكومه تشكمه

الجونه يا مؤمن
ههههههههههههههههههههههههه
ياخبر ياناس
بنى عبيد قبل كده ودى بلد جنبا وكانت حاجة مسخرة
تفتكر ان كلمة صغننة تصلح العلاقات تانى
يارب

اللى موش عارف يتغير يقول...

مسدس صغير

اهلاوى من الاهلوية اللى بحبهم
وده نادر
موضوع العروسة لغيته قررت أأجله 3 سنوات
ايه رايك ؟
ولا الحوجة لسيادتك
.

اللى موش عارف يتغير يقول...

7annen

ابقى اهلاوى
!!!!!!!!!!
ليه شيفانى ايه ؟
انا بكره الاهلى
اكتر من كونى زملكاوى
هرد على تعليقك اللى تحت فى ترتيب التعليقات يعنى انزل كمان شوية
ههههههههههه

اللى موش عارف يتغير يقول...

yasmina

والله انت زى العسل
هههههههه
وكلامك شربات
وفعلا كفاية ردك يخرجنى من الحالة دى

اللى موش عارف يتغير يقول...

yasmina

المشكلة الاولى والتانية يارب يكون نداءك ده وصلهم ويسمعوا كلامك

المشكلة الثالثة الزمالك ده فى دمى واا بكره الاهلى اعمل ايه ؟
دى حاجة فى القلوب بقى ومهقدرش اخد بنصيحتك للاسف

اللى موش عارف يتغير يقول...

المشكلة الرابعة
كويس ان الاحساس ده واصلك
المشكلة الخامسة
دبدوب
!!!!!
ههههه
المشكلة السادسة
كلامك قريب جدا للصح

اللى موش عارف يتغير يقول...

yasmina

اخيرا بشكرك جدا
لان تعليقاتك بجد
ممكن تساهم فى خروجى من الجو ده
.

TWEETY يقول...

ازيك ياعمو

مبسوطة انى زرت المدونة

بس انت زعلان كدا ليه
ادعى ربنا وهو هيحل المشكلة كلها

اعشق فى الليل ضوء القمر يقول...

ربنا يعينك

اللى موش عارف يتغير يقول...

سمسمه

انا موش عايز اشتريه
انا عايز يجيلى هدية او اشتريه هدية
شكرا عالحلول السريعة دى وهاخد بيها ان شاء الله
شكرا جزيلا

اللى موش عارف يتغير يقول...

مى

ههههههههههههه
بقى الموضوع بسيط كده
امال انا مكبر الموضوع ليه
وفعلا هو حد يزعل منى . الله يكرمك
ويارب يكون اللى مزعلنى واللى انا مزعله سامعينك
وشكرا جزيلا

اللى موش عارف يتغير يقول...

قلم رصاص

حبيبى !!!!!!!
ياعم دا واد كده ولو مسكتش هبعتلك اسمه
ههههههههه
اشتقت الى ايام الفيفا
فين ايام ماكنت بقطعك
هههههه

اللى موش عارف يتغير يقول...

صمت المشاعر

موش عايز فيل
انا قنوع عايز قطة حتى
هههههههههههه
شكرا يا ذوق
وفعلا محتاج دعواتك

اللى موش عارف يتغير يقول...

حلم بيعافر

واضح ان العيب فينا
شجع الاهلى كده يمكن ربنا يكرمهم زى الزمالك
هههههههههه

اللى موش عارف يتغير يقول...

حلم بيعافر

تعرف العيب فين؟
المدرب
جوزية كان هو اللى بيختار اللعيبة وهو اللى بيستبعدهم وهو اللى بيمنع الناس من دخول النادى وهو مدير الكورة وهو رئيس النادى
محتاجين مدرب وياريت يكون شاب له طموح موش واحد جاى يقبض وبس

اللى موش عارف يتغير يقول...

الشعب لابد له من حكومه تشكمه

شوف الاسوة بتعمل ايه ؟
الزملكاوية والله غلابة
ههههههههه
صلاح حبيب الكل فعلا

اللى موش عارف يتغير يقول...

سندريلا

ياسلام
بحب قوى لما حد بيدعيلى
شكرا جزيلا
ودعواتكم

اللى موش عارف يتغير يقول...

مدحت محمد

لا متزعلش

اللى موش عارف يتغير يقول...

ليس فقيرا من يحب

شكرا وربنا يخليك

اللى موش عارف يتغير يقول...

7annen

شرحت موقفى فى مدونتك الغالية
وربنا يديم المعروف

اللى موش عارف يتغير يقول...

وكيلة نيابه

هو حضرتك زملكاوية؟
ايه الهنا اللى انا فيه ده
ايوة كده وفعلا نادى الملوك
بس صبرنا طول قوى
يعنى انت زملكاوية
ياسلام ياولاد
ههههههه

اللى موش عارف يتغير يقول...

micheal

ماشى يا عم الحاج هشخبط شخابيط
بس الزمالك اعمل فيه ايه بس؟
الزمالك فى دمى يا اخى حاجة غير طبيعية
شكرا

اللى موش عارف يتغير يقول...

TWEETY

عمو مين يا بنتى
دا انت اللى طنط
ههههههههه
ماشى يا عسول هدعى ربنا وانت كمان ادعيلى
.

اللى موش عارف يتغير يقول...

اعشق فى الليل ضوء القمر

يااااااااااااارب

المجاهد الصغير يقول...

السلام عليكم
قل هم عندى رب كبير ولا تقل يارب عندى هم كبير
السبيل الوحيد الدعاء
وفقك الله

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

همســات عــلى ضــوء الــقمر يقول...

ههههههه

مكنش زعل دا ياراجل

الزعل بيروح وبييجى مش يقعد اسبوع :)

وبعدين شكرا لتقديرك
بس انت شايفنى مركبة شنبات قدامك :)
تقول اشكرك اخى على النصائح
انت نسيت دموع القمر ولا ايه ههههه

ام هند طلع من المود دا ومش تفضل فيه كتير علشان الاكتئاب بس

وانا عايزة دندوب مليش دعوة

اللى موش عارف يتغير يقول...

المجاهد الصغير

شكرا عالدعاء
وتقبل الله منا ومنكم

اللى موش عارف يتغير يقول...

م/ الحسيني لزومي

يامصر وانت وهمى وحبى
يامصر يالى ساكنة قلبى

اللى موش عارف يتغير يقول...

همســات عــلى ضــوء الــقمر

لا الزعل هيروح ان شاء الله
وطبعا فاكر دموع القمر بس يعنى زلة لوحة مفاتيح
ههههههههههههههه

micheal يقول...

أخبارك إيه

مصر اليوم يقول...

مفيش حاجه مستهله الزعل

اللى موش عارف يتغير يقول...

micheal

الله يسلمك

اللى موش عارف يتغير يقول...

مصر اليوم
ولا يهمك

اللى موش عارف يتغير يقول...

مصر اليوم
ولا يهمك

اللى موش عارف يتغير يقول...

انا علقت عشان اخلى التعليقات 68 وامحو الرقم اللى قبليه