الخميس، 28 أكتوبر 2010

الجنيه الجبس


الجنيه المعدنى اللى موجود الوقتى بصراحة حاجة تكسف عندى احساس ان هو بريزه موش جنيه وده خلانى افتكر معلومة سمعتها وهى ان الجنيه المصرى كان بيساوى جنيه دهب !!! اه جنيه دهب
ببساطة بدأ الجنيه العملة الرسمية لمصر في 1899م وكان الجنيه المصرى عملة من المعدن الذهبي ولذلك كان الجنيه بقيمته مهما ارتفع السوق أو هبط
جت فكرة حفظ النقود بأن يودع الشخص نقوده الذهبية في البنك ويأخذ بها إيصال وترد القيمة المودعة في البنك لحامل الايصال فأصبح الناس يتداولون بالايصال وإذا أراد حامل الايصال في يوم من الأيام الحصول على أمواله الحقيقية فله الحق في أن يستردها من البنك بموجب هذا الإيصال اللى هو الجنيه
كان وزن الجنيه الذهب ثمانية جرامات وهو الجنيه الذهب المعروف حاليا في سوق الذهب المصري يعنى الجرام كان بـ 12.5 قرش ياسلام عالدنيا
واستخدم هذا المعيار حتى الحرب العالمية الاولى 1914 م حيث تم ربط الجنيه المصري بالجنيه الاسترلينى حيث كان الجنيه الاسترليني = 0.975 جنيها مصرياً
الى عام 1962 م حيث تم ربط الجنيه بالدولار الامريكى عند سعر 2.3 دولاراً لكل جنيه مصري ومن يومها الاية اتقلبت والدولار وصل قيمته 1 دولار لكل 7 جنيه مصرى وده من 4 سنوات تقريباً
اخوانا السعوديين والشاميين بيقولوا عالفلوس "مصارى" وده لان الجنيه والعملات المصرية كانت هى العملة المتداولة وخصوصا بعد الحرب العالمية الاولى فى الشام والحجاز وطبعا السودان
وده عادى جدا لان العملة المصرية هى اول اوراق النقد العربى كطبيعة مصر فى الوقت ده بانها كانت متقدمة فى اى وفى كل شىء ودايما كل ماهو جديد تلاقيه فى القاهرة رابع اجمل مدينة فى العالم فى الوقت ده وطبعا كعادتنا بنبكى على اطلال الماضى انا بصراحة هصرخ واعيط عالماضى
كلمات من زمن فات
الجنيه : كلمة إنجليزية Guinea لعملة إنجلترا منذ أربعمائة عام مضت
القرش : عملة الدولة العثمانية و100 قرش يساوى 1 جنيه
مليم : وهو وحدة قياس عددية باللغة الفرنسية Millieme و10 مليمات يساوى 1 قرش
نِكْلَة : Nickel وتوازي مليمان، وكان يساوي النيكل البريطاني
تعريفة : Tarrif وتوازي خمس مليمات، وهي تسمية انجليزية
شِلِن : Shilling ويوازي خمسة قروش، وكان يساوي الشلن البريطاني
بريزة : توازي عشرة قروش وسمين بذلك كونها صنعت فى باريس
ريال : ويوازي عشرون قرشاً، وكان يساوي تقريباً الريال السعودي طبعا زماااااان
سحتوت : يقال كان عمله رغم ان هو اسم واحد حبيبى ههههه


هناك 15 تعليقًا:

حلم بيعافر يقول...

ايييييييييييييييه

الله يرحمك ياااااااااجدى

قلم رصاص يقول...

ههههههههههههههههه
بوست حلو اوي ياتييييييييت إفريقيا والشرق الأوسط هههههههه


والله وعدت بتفهم في الاقتصاد بعد ماكنت بتشيل القصعه
ههههههههههههههههههه

انا اعرف السحت انما السحتوت ايه كمان؟
هههههههه

مرايتى يقول...

المهم دلوقتى بعد الشرح الهايل ده

الجنيه المصرى جبس بقى ولا ورق ولا فضه ولا حتى خشب يساوى إيه قدام العملات التانيه

الله يرحم أيام زمان إلى كان فيها لإلى قلته قيمه رغم إنى ما شوفتهاش بس سمعت إنها كانت بتجيب لحمه وخضار وفراخ وحاجات كتير تانيه الله يرحم أيامها

تحياتى للسحتوت

اللى موش عارف يتغير يقول...

حلم بيعافر
..........
الله يرحم جدك انا والله فاكره

اللى موش عارف يتغير يقول...

قلم رصاص
........
ياحبيبى انا دارس اقتصاد قبلك
هههههههههه
السحت قريبكم
انما السحتوت قريبى

اللى موش عارف يتغير يقول...

مرايتى
.....
اهلا بيك
الجنيه كلمه جمعها جنيهات
انا شايف المفروض ميكونش للجنيهات مفرد
لانه ياعينى موش هيقدر يجيب لهوا

ميرام يقول...

ههههههههههههه
طب انا عايزة الم الكوينز الي عندي (:
واخد اول الة زمن
وابقى من اثرياء البلد

Tarkieb يقول...

بس الجنية شكل اليورو بالظبط يعني مش بيكسف ولا حاجة..انت بس اللي واخد على الجنية اللي الناس بتكتب عليه في السبوع والاعلانات

اللى موش عارف يتغير يقول...

ميرام
....
فعلا بس هى فين الة الزمن دى
لو تعرفى اول رحلة امتى احجزى تذكرتين

اللى موش عارف يتغير يقول...

Tarkieb
........
ماشى ياعم
وكويس انك لفت انتباهى

animalsphotos يقول...

ههههههههههههههههههه فكره حلوه وبسط احلي

animalsphotos يقول...

الله يرحمه انور وجدي كان فنان رائع والله

animalsphotos يقول...

بس ان شاء الله الجنيه هايبقي تمام

animalsphotos يقول...

الجنيه مش هايبقي جبس

animalsphotos يقول...

الجنيه هايبقي خشب