الأربعاء، 3 فبراير 2010

مـصـر الـتـى


- بقالى فترة مشغول جدا بس كان واجب عليه اقول حاجة عن فوز مصر

اللى حصل ده موش انجاز رياضى بس ده انتصار واثبات ان مصر والمصريين شىء عظيم
اللى زيى كده بره مصر بيشوف الامور بمنظور مختلف يعنى فيه اخوان عرب بيشجعوا مصر واخوان اخرين برده عرب مبيشجعوش مصر وبيكون فيه تحدى
الكورة خلتنى اقول باعلى صوت انا مصرى يارب الاقى كل حاجة فى مصر تخلينى اقول دى مصرية وانا مصرى
شمال يمين احنا المصريين .. فعلا الواحد فخور كونه مصرى
وكمصرى بشكر حسن شحاته ووائل جمعه واحمد فتحى والحضرى والبديل المخلص عبد الواحد السيد وطبعا جدو وباقى اللاعبين بس دول كنت حاسس ا
ن هم مخلين لاقصى درجة
- موش عارف ليه لم يعد لدى الرغبة فى كتابة موضوعات جديدة اعتقد ان اهم سبب انى مقتنع ان مدونات الفيس بوك هتقضى عالمدونات العادية
عموما انا دخلت النهاردة عشان اسلم عالجميع واتواصل مع حبيايبى
- فيه مجموعة افلام مصرية جديدة بجد حاجة تكسف وللاسف الغير مصريين بيفكروا ان دى مصر وده اللى موجود واللى بيحصل بالفعل
يعنى صورة مصر الاخلاقية والحضارية بيمثلها بره افلام خالد يوسف الهابطة ومجموعة ممثلين فاشلين مبيعرفوش يعملوا غير كده
- امبارح والنهاردة وبكرة وكل يوم بشتاق وبحب مصر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هناك 24 تعليقًا:

حلم بيعافر يقول...

ازيك يا ايهاب ياواحشنيييييييييييى
--------------------------------
مبروووووووك يامصرى افندى
الكورة مغطية على لاوى زرقا عندنا ياحج
المفروض يعنى اننا دللوقتى فى فترة حساسة جدا من تاريخنا
بس يللا مش مشكلة
مبروووووووووك تانى بس فيه ناس اتحرمت من المشاركة كان لازم تكن موجودة
بس يللا معلهش
الافلام المرية اللى تكسف موجودة على مر التاريخ وقبل اختراع السينما اصلا احنا هنا بنمثل على بعض
المهم بخصوص قصدك بقى
تنا مشفتش غير 4 افلام
امير البحار وده مكرر ورخم
البيه الرومانسى وده مكرر ورخم
اولاد العم مقبول
بالالوان الطيبسعية وده كويس وقال حاجة جديدة وقدم ناس جديدة
بالنسبة لخالد يوسف فانا مشفتش فيلمه الاخير بس اغلب النس بيقولوا وحش بس هو كمخرج فى مجمل اعماله يعتبر قيمة مضافة للسينما المصرية ومتنساش لوزلا خالد يوسف وشغله كان زمان السينما فى مصر دجللوقتى مقتصرة على افلام الكوميديا العبيطة والافلام المقززة بتاعة سعد بيه الصغنتت وامثاله والراجل ببساطة بيقدم حاجة احنلا مش متعودين عليها
بس

غير معرف يقول...

الف الحمد لله على سلامتك

يارب تكون بالف خير

الف مليوون مبروووك لمصر

دمت بالف خير

♥نبع الغرام♥♪≈ يقول...

حمدالله على سلامتك فينك يا بلدياتى ينفع كده يا ايهاب
ربنا يطمنى عليك يارب ويكرمك خير

والف مليون مبروك لمصرنا الحبيبه متعرفشى فرحتى بجد عامله ازاى
ياااااااااااااااه أجمل احساس بجد
ما كنتش اعرف انى بحب بلدى اووووووووووووى كده

ربنا معاك وروق كده وسيبها على الله ربنا يقويك
وارجع تانى نورت مدونتك
وياريت طمنى عليك
تحياتى
بلدياتك ايناس

♥نبع الغرام♥♪≈ يقول...

ويلكم باااااااااااااااااااك

غير معرف يقول...

مبروك لمصر

مرايتى يقول...

أولا مليون مبروووووك لمصر

وشكرا يا رجالة مصر على الفرحه الى دخلتوها قلوب الناس

ثانيا معلشى كتير بنمر بمرحلة الفطور وانك مش عاوز تكتب حاجه بس ياريت الفيس بوك ما يخدكش من مدونتك


ثالثا بقى فعلا بقت حاجه محزنه جدا صورتنا الى بقت تتنقل من الافلام الهابطه مش بس لبره لينا احنا كمان يعنى انا نفسى بسال هو فعلا احنا كده

ربنا يسامحهم بيضمروا صورتنا بره وجوه

وبقول مبرووووووك تانى وافتخر انك مصرى فى اى مكان

مي يقول...

اقولك ايه يعنى ياريت نفوز كل يوم عشان نطمن عليك ولا ايه؟
الف حمد الله على سلامتك ويارب تكون بخير دايما اما بالنسبة للافلام فهى نوعية قبضة التهامى وووووووووووديييييييع
بس خلالالالالالالالالالالاص

هناء محمود يقول...

ألف مبروك علينا كلنا وربنا يرجعك لمصر بالسلامة

ويارب صورة مصر تتصلح فى كل حاجة مش فى الكورة بس

قلم رصاص يقول...

ألف مبرووووووووووك لينا كلنااااااااا
دا فعلا يابني انتصار لكرامة مصر بغض النظر عن البطوله والكوره

عجبني اوي كلمتك دي:
"يعنى صورة مصر الاخلاقية والحضارية بيمثلها بره افلام خالد يوسف الهابطة ومجموعة ممثلين فاشلين مبيعرفوش يعملوا غير كده"

عنددددددددددك حق

طمني عليك يابن خالي

في امان الله

اللى موش عارف يتغير يقول...

حلم بيعافر
الله يبارك فيك ويارب نستغل الفترة دى كويس
حاسس ان فيه صحوة وطنية

اللى موش عارف يتغير يقول...

نوارة
الله يبارك فيك
وربنا يبارك فيك

اللى موش عارف يتغير يقول...

ابتسامة ملاك
اهلا يابلدياتى
شكرا يا ايناس على سؤالك واحب اطمنك
وياريت نتواصل اكتر من كده

ومبروك لمصر

اللى موش عارف يتغير يقول...

ابتسامة ملاك
هتعمليلى فيها ممدوح فرج
ههههههههه

اللى موش عارف يتغير يقول...

7annen
مبروك لمصر ولينا
الف مبروك

اللى موش عارف يتغير يقول...

مرايتى
الف الف مبروك
فعلا الواحد لازم يفتخر ان اللعيبة دى مصرية وان انا مصرى
بس بأسف كمان ان خالد يوسف وامثالة مصريين

اللى موش عارف يتغير يقول...

مى
شكرا على شعورك الطيب
ويارب نفوز كل يوم
الانتصار حلو

اللى موش عارف يتغير يقول...

أم .. بوبه
يارب
ويارب مصر تبقى زى منتخبها

اللى موش عارف يتغير يقول...

قلم رصاص
الله يبارك فيك
ايه ياعم فينك
ياريت تكون بس بخير

أبو العريف يقول...

ازيك يا باشا

الف مبرووووك

وكلنا فخورين بمنتخبنا

وفعلا الاحساس ف الغربه بيختلف تماما

لان مصر محفوره جوانا


تحياتي

حنين يقول...

السلام عليكم
حمدالله على سلامتك
وكلنا نفخر باننا مصريين
يارب دايما منتصرين

حـــلـــم كـــان يقول...

انا جيت

خلصت امتحانات

وجايه امسى

واقولك مبروك لمصر

اللى موش عارف يتغير يقول...

أبو العريف
..........
الله يسلمك
فعلا مصر كبيرة
ويارب كل يوم يكون فرحة لمصر وللمصريين

اللى موش عارف يتغير يقول...

حنين

الله يسلمك
ومبروووووووووووووووك
فعلا انا فخور كونى مصرى

اللى موش عارف يتغير يقول...

حـــلـــم كــــان

حمد لله على سلامتك
ويارب تنجحى نجاح باهر